Әйтер сүзегез булса... Шалтыратыгыз: 2-43-82

«Школьная урамы башындагы баганада ике атна тирәсе ут янмыйча торган иде, аннан бөтенләй үк сүнде. Иртә- кич урамда кап-караңгы, көтүе белән этләр йөри», дип зарларын белдергәннәр иде Дорга авылыннан. Шушы көннәрдә утларны караганнар, бүген исә «Утлар яна, урамнар балкып тора», дигән хәбәр алдык. Этләргә килгәндә, шушы көннәрдә утырыш булды. Анда әлеге мәсьәлә җитди каралды. Котыру чиренең таралу ихтималын да исәпкә алып, чарасын күрәчәкбез, диде авыл җирлеге башлыгы.