Рәсми хәбәрләр
Балтачта үзара салым кертү һәм җыелган акчаны куллану буенча референдум үткәреләчәк
Хөрмәтле райондашлар! Балтач муниципаль районы җирлекләренең вәкиллекле органнары тарафыннан үзара салым кертү һәм җыелган акчаны куллану буенча референдум үткәрү:
Балтач шәһәр җирлеге - 37 (9 февральдә), Бөрбаш авыл җирлеге - 127, Борнак - 126, Югары Субаш - 139, Карадуган - 124, Куныр - 133, Кече Лызи - 153, Норма - 140, Нөнәгәр - 136, Пыжмара - 128, Салавыч - 128, Смәел - 141, Саена - 115, Урта Көшкәт - 135, Шеңшеңәр - 126, Шубан - 124, Чепья - 139, Яңгул авыл җирлеге 117нче номерлы 2015 елның 6 февралендә кабул ителгән карарлары нигезендә, 2015нче елның 29нчы мартына билгеләнде.
Референдумга кертелгән сораулар җирлекләрдә бүгенге көндә иң мөһим мәсьәләләрне чишүгә юнәлдерелгән. Анда җирлектә яшәүче 18 яше тулып, сайлау хокукына ия булган һәр гражданнан 200 сум (Карадуган һәм Смәел авыл җирлекләрендә 300 сум, Пыжмара авыл җирлегендә 500 сум) күләмендә үзара салым җыю соравы куелды.
«Россия Федерациясе гражданнарының сайлау хокукларына һәм референдумда катнашу хокукына төп гарантияләр турында»гы Федераль законы буенча референдум Балтач районы башкарма комитетының 2013нче елның 19 гыйнварында кабул ителгән 6 нчы номерлы карары нигезендә төзелгән 33 сайлау участокларында узачак (алар турында мәгълүмат район «Хезмәт» газетасының 2013 ел 23 гыйнвар санында бар).
Җирлекләрнең кабул ителгән карарлары һәм референдум участокларының исемлекләре, чикләре турындагы тулырак мәгълүмат белән Балтач муниципаль районының baltasi.tatarstan.ru адресы буенча рәсми сайтында таныша аласыз.
Фото: http://www.pravda-tv.ru/2014/03/16/42421
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев