Бюджет акчасын нәтиҗәле файдалану кирәк, ди район башлыгы

“Бюджет чыгымнары системасы нәтиҗәле булырга тиеш. Шул вакытта республика казнасы төрле йөкләмәләргә әзер була ала”, диде Татарстан Президенты Рөстәм Миңнеханов финанс, казначейлык һәм салым органнарының 2018 елның I яртыеллыгы катнаш бюджеты үтәлеше йомгаклары буенча узган киңәшмәдә вакытында. Ул министрлык һәм ведомстволарның, шулай ук район башкарма комитетларының чыгымнар буенча эшләрен нәтиҗәле оештыру һәм акчаны ел ахырында ашыгыч рәвештә генә куллануга юл куймау турында җиткерде.

Балтач районы буенча 2018 елның I яртыеллыгы катнаш бюджеты үтәлеше начар түгел, әмма бюджет акчасын нәтиҗәле файдалану кирәк, диде район башлыгы видеоконференция режимында узган киңәшмәдән соң.