⚡☣️ Бүген Казанда 16 кешедә коронавирус табылган

Барлыгы 9 июльгә Татарстанда 4 893 COVID-19 очрагы теркәлгән, 3 734 кеше сәламәтләнгән, шуларның 29ы – узган тәүлектә. 1 167 кеше дәвалануын дәвам итә.

Вирус йоктыручылар Казанда – 16, Түбән Камада – 6, Яшел Үзәндә – 4. Яр Чаллы шәһәре һәм Татарстанның Әгерҗе, Бөгелмә, Алабуга, Кайбыч, Кама Тамагы, Лениногорск, Питрәч һәм Саба районнарында берешәр кеше исәпләнә.

Коронавирус йоктыручыларның яшенә килсәк, күпчелекне 30 яшьтән 70 яшькә кадәр ватандашларыбыз тәшкил итә: 30 яшьтән 50 яшькә кадәр – 19, 60тан 70кә кадәр – 3, 50 яшьтән 60 яшькә кадәр – 6, 18 яшькә кадәр – 1 балада, 18дән 30 яшькә кадәр – 3, 70тән 80 яшькә кадәр 2 һәм 90 яшьтән өлкәнрәк 1 кешедә табиблар COVID-19 тапканнар.

Фото: pixabay.com/ru