Сәламәтлек
Казанда шикәр чиреннән бушка тикшеренү узарга була
6-8 апрель көннәрендә Казанда яшәүчеләр бушка шикәр авыруына тикшеренү уза ала.
Башкалада Бөтендөнья сәламәтлек көне кысаларында "Сәламәт бул" акциясе уздырыла. Ул "Диабетны җиңәбез!" шигаре астында үткәрелә.
Шәһәр халкы үз сәламәтлеген Казандагы хастаханәләр каршында эшләүче сәламәтлек үзәкләрендә тикшертә ала. Хезмәт күрсәтү вакыты - 9:00-14:00 сәгатьләргә билгеләнгән.
Моннан тыш башка чаралар да уздырыла. 7 апрельдә, мәсәлән, шикәр чире белән авыручылар өчен махсус лекция дә укыла, түгәрәк өстәл, әңгәмә, семинарлар да оештырыла.
Бөтендөнья сәламәтлек саклау оешмасы мәгълүматларына караганда, шикәр чире эпидемиясе күп илләрдә тиз үсеш кичерә. Моңа халыкның картаюы һәм яшәү рәвеше - дөрес тукланмау, начар гадәтләр, физик йөкләнешнең аз булуы, киеренке хәлләр йогынтысы тәэсир итә.
Чыганак: intertat.ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев