Татарстанда бүген 51 яңа COVID-19 йоктыру очрагы расланган

Авыручыларның 18е хастаханәгә салынган, 33 кеше өйдә дәвалана һәм алар барысы да шәхси гигиена таләпләрен тиешенчә үтәмәгәнлектән ягъни элемтә юлы белән инфекция йоктырган.

Яшь төркемнәре буенча карасак 50дән 60 яшькә кадәр – 16, 30дан 50гә кадәр – 15, 70тән 80гә кадәр – 7, 18-30 һәм 60-70 яшьлек  алтышар, 18 яшькә кадәр – 1 кешедә коронавирус ачыкланган.

Табиблар, Казанда – 26, Яр Чаллыда – 16, Нурлатта – 3, Яшел Үзән, Тукай, Чистай, Ютазы һәм күрше Арча, Әтнә районнарында берәр кешедә яңа таҗлы вирус тапканнар.

Барлыгы 4 июньгә Татарстанда 3402 COVID-19 очрак теркәлгән, узган тәүлектә 139 кеше сәламәтләнгән.

Үзегезне һәм якыннарыгызны саклагыз, битлек-перчаткаларыгызны кияргә онытмагыз.

Фото: tatar-inform.tatar