«Сәламәтлек чишмәсе» программасы тормышка аша башлады

Программа кысаларында өлкәннәргә «Кинотерапия», «Библиотерапия» кебек технологияләр кулланыла. Алар газета-журналлар, китаплар укып, дөнья хәлләре белән якыннан танышалар.
Социаль хезмәткәр Раушания Гарифуллина да үз эшчәнлегендә әлеге технологияне еш куллана икән, файдасы күп, ди ул. Раушания бертуган Афанасьеваларны тәрбияләп тора. Елизавета Ивановнага - 87, Зое Ивановнага - 79 яшь.

- Олы яшьтә булуларына да карамастан, алар бик актив - бик теләп газета- журналлар укыйлар. Аларны өйгә алдырудан тыш, китапханәдәге башка төр вакытлы матбугат белән дә танышып баралар, - ди Раушания Гарифуллина.
Бертуганнар шулай ук телевизор да карарга ярата. Соңыннан ул хакта социаль хезмәткәрләре белән бик озак кына әңгәмә дә коралар икән.