Балтачта ирләр дә туп тибә

Ильнур, 26 август 2015 - 11:11

2600

Шушы көннәрдә 35 яшьтән югары спорт сөючеләр өчен "Өмет кубогы 35+" мини-футбол ярышы булып узды.

Без мәктәп укучылары яки егетләрнең туп тибүен күреп гадәтләнгән. Баксаң, ирләр дә бер дә кимен куймый икән. Моны "Өмет кубогы 35+" мини-футбол ярышы раслады. Беренчелекне спортны үз иткән «Яңгул» командасы яулады, икенче урында - «Балтач», өченчедә "Карадуган» уенчылары. Турнирның иң өлкән уенчы Айрат Гайнуллин (48 яшь), иң яхшы уенчысы Марат Шәрәфиев икесе дә «Яңгул» командасыннан.

Барлык призерлар һәм җиңүчеләр грамота һәм медальләр белән бүләкләнде, җиңүче командага турнирның күчмә кубогы тапшырылды. Истә калырлык, бик күркәм ярыш булды бу. Моның өчен уеннарны оештыручылар да, катнашучылар да ярышның спонсоры Рөстәм Камаловка рәхмәтле.