Эзләнәләр...бадминтон федерациясендә.

Ильнур, 9 апрель 2015 - 09:56

2395

Бигрәк тә эзләнүчән кеше инде ул бадминтон федерациясе рәисе Равил Кәримов. Әле кичә генә Бөтендөнья сәламәтлек көненә багышлап, "диварга-дивар" формасында район үзәгендә урнашкан Балтач мәктәбе һәм гимназия коллективларын очраштырды.

Коллективта булган укучылар, укытучылар яшь аерымлыкларына бүленеп үзара көч сынаштылар. Һәм әйтергә кирәк, бик матур, файдалы, кирәкле ярыш булды.

1-4 сыйныф малайлары һәм кызлары арасында гимназия балалары җиңүче булса, 5-8 сыйныф укучылары арасында гимназия малайлары җиңү яуласа, кызлар арасында өстенлекне балтачлылар алды. 9-11 сыйныф укучылары арасында янә гимназиялеләр көчле булып чыкты.

Ә менә 35 яшькә кадәрле укытучылар арасында Балтач мәктәбеннән Эльмира Җәләлова һәм гимназиядән Ринат Мөхәрләмов, аннан өлкәнрәк яшьтәгеләр арасында Балтач мәктәбеннән Елена Шәйхиева белән Ильяс Галимуллин өстен чыктылар.