Казанда 1 майдан 3 майга кадәр өч эре җиңел атлетика старты узачак

Казанда 1 майдан 3 майга кадәр берьюлы өч зур җиңел атлетика чарасы узачак. 

Үзәк вакыйга Казан марафоны булачак, ул быел рекордлы 42 мең теркәлгән катнашучыны җыйды. Марафон географиясе Россиянең 85 төбәген һәм 37 чит илне үз эченә ала. Приз фонды 10 млн сум тәшкил итә. Чараны оештыруга меңнән артык волонтер җәлеп ителәчәк. Старт номерлары Үзәк стадионда 30 апрельдә һәм 1 майда биреләчәк. 

Шул ук көннәрдә Казан бишенче тапкыр марафон буенча Россия чемпионатын, шулай ук беренче тапкыр 35 яшьтән өлкәнрәк спортчылар арасында «Мастерс» категориясендә Россия чемпионатын кабул итәчәк.

1 майда – балалар йөгереше, 2 майда – 3 км һәм 10 км дистанцияләр, 3 майда – ярыммарафон (21,1 км) һәм марафон дистанциясе (42,2 км).

Маршрут шәһәрнең истәлекле урыннары аша узачак, шул исәптән Миллениум күпере, Казан Кремле, Сөембикә манарасы, «Казан» гаилә үзәге һәм Иске Татар бистәсе.

 Марафон алдыннан, 2 майда, Россиянең төрле илләреннән һәм төбәкләреннән килгән атлетлар катнашында традицион милләтләр парады узачак.

Программада шулай ук үзенчәлекле спортчылар – паралимпиячеләр, халыкара ярышларда призерлар һәм яшь катнашучылар катнашында йөгерү дә каралган.

Ярышлар узган көннәрдә кайбер урамнарда хәрәкәт вакытлыча чикләнәчәк. Оештыручылар маршрутларны алдан планлаштырырга һәм юлларның ябылу схемаларын исәпкә алырга сорыйлар.

Татар-информ