Райондашларыбыз Яңа Кырлайдан җиңү белән кайтты

9 сентябрь көнне Арча районы Яңа Кырлай авылында «Ат көне — 2023» кысаларында традицион ат-спорты бәйрәме узды.

Бәйрәмнең «Иң матур бизәлгән арба» номинациясендә Чапшар авылыннан Фәннүр һәм Мансур Сәләховлар 2нче урын яулады. Сәләховлар ел саен әлеге бәйгедә катнашып, призлы урын белән кайталар. Быел да алар әтиле-уллы бергәләп катнаштылар.

Шулай ук бәйгедә районыбыз хуҗалыклары да катнашты. «Активист» хуҗалыгының «Славная» кушаматлы аты бәйгенең «Сельские джигиты» төрендә 2нче урын , Арбор хуҗалыгының «Икс Формула»сы чиста токымлы атлар арасында 3нче урын яулады.

Чыганак: Рәсми Балтач