«Хезмәт» хоккей уйната. Кайчан?

Яңа елга аяк басуга хоккейчыларыбыз өчен кызу да, кызыклы да көннәр башлана. Чөнки матур гадәт буенча «Хезмәт» газетасы призына традицион хоккей ярышлары узачак. Быел ул 3-4 гыйнвар көннәрендә район бозларында һәм Боз сараенда үткәрелер дип көтелә. Кырык икенче мәртәбә үткәрелүче, үз югарылыгын җуймыйча, ел да күп командаларны туплаучы әлеге бәйгегә һәрбер райондашыбызны чакырып калабыз! Уеннар җәрәхәтләрсез, матур узсын, һәркем күңеленә истәлекле вакыйга булып кереп калсын!