Хоккейчылар бозны кыздырды. Иртәгә «Хезмәт» газетасы призына көч сынашачаклар
Яңа ел алдыннан Карадуган авылында 2012-2013нче елгы егетләр арасында хоккей буенча «Игенче» призына район беренчелеге узды
Ярышларда 3 команда катнашты: Карадуган гимназиясе, Балтач гимназиясе һәм Норма урта мәктәбе.
Бозда барган кызу уеннардан соң җиңүче дә билгеле булды, ул - Карадуган гимназиясе хоккейчылары, икенче урында - Норма урта мәктәбе командасы, өчтә - Балтач гимназиясе егетләре.
Уен нәтиҗәләре буенча иң-иңнәр дә билгеләнде, иң яхшы тренер исеменә - Ф. Нурсаетов, иң яхшы һөҗүмче исеменә - Хәлиуллин Нурлан (Карадуган гимназиясе), иң яхшы сакчы исеменә - Мәрданов Раил (Норма урта мәктәбе) һәм иң яхшы капкачы исеменә Гарипов Илназ (Балтач гимназиясе) лаек булды.
Ә иртәгә инде район бозларында "Хезмәт" газетасы призына хоккей ярышлары башланып китәчәк. Һәрбер командага уңышлар теләп, җанатарларны уеннарга чакырып калабыз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев