Әрекмән согының файдасы бик күп

Әрекмән согы — бик күптөрле авыруга дәва. Бөердәге кистаны бетерә, канны чистарта, иммунитетны ныгыта, ашкайнату эшчәнлеген яхшырта, кандагы шикәрне нормальләштерә, бөердәге комны, ташларны куу сәләтенә ия һ.б.

Әрекмән яфракларын иттарткычтан чыгарып, вак тишекле иләк аша сөзәргә кирәк. Кечкенә савытларда туңдыргычта сакларга, кирәк чакта эретеп эчәргә була.

Белгечләр әрекмән согын көнгә өч тапкыр, ашарга ярты сәгать кала, бер чәй кашыгы кабарга киңәш итә. Дәвалану вакыты — бер ай.

Алдан табиб белән киңәшләшү кирәк.