Авырып савыкканнан соң тагын күпме вакыттан коронавирус йога?

Автор, 5 октябрь 2020 - 17:26

3075

Коронавирус белән авырып савыккан кешеләрнең организмында әлеге чиргә карата иммунитет барлыкка килә, әмма озакка түгел, ди табиблар.

Авырып савыкканнан соң тагын күпме вакыттан коронавирус йога?

Әлеге хәвефле инфекция яңадан да йога икән. Тик менә күпме вакыттан соң авырып савыккан кешегә ул янә эләгергә мөмкин?

Күренекле вирусолог Александр Чепурнов бу җәһәттән белдерү ясаган.

Өч-дүрт ай үткәч, коронавирус белән авырып савыккан кешенең канында әлеге инфекциягә каршы торучанлык сәләте бирүче биоантитәнчекләр күләме азая башлый.

Биш-алты айдан соң алар организмда бөтенләй калмый диярлек. Менә шушы вакытта кеше яңадан коронавирус инфекциясе эләктерергә мөмкин, дигән вирусолог.

Шул ук вакытта сезонлы инфекцияләр чорында дөрес киенеп, дөрес туклану бик мөһим, чөнки вируслар нәкъ менә өшегән кешегә ябышырга гына тора, ә витаминнарга бай азык адәм баласының иммунитетын ныгытырга булыша, дип ассызыклаган ул, дип яза Кызыл таң.