Бала тудыру йортында яңа туган сабыйларны бутаганнар
Яшь ананың ике көн буе башка кеше баласын ашатуы ачыкланган.
(Казан, 30 декабрь, «Татар-информ»). Уфада Куватов исемендәге Республика клиник хастаханәсендә яңа туган сабыйларны бутаганнар, дип хәбәр итә БСТ.
Зөлфия Николаеваны Уфа хастаханәсенә Мишкинск районыннан китергәннәр. Аңа ашыгыч рәвештә кесерево операциясе ясаганнар. Хатын-кыз ике көннән соң гына бала аныкы булмавын аңлаган. Зөлфия сүзләренчә, бала 3800 грамм авырлык белән туган. Икенче көнне аны үлчәгәннәр һәм баланың авырлыгы 1 кг га кимрәк күрсәткән.
“Бу бик күп югалту. Табиблар балагызны ашата алмыйсызмы, баш тарту турында гариза языгыз дигәннәр”, - дип сөйләде Зөлфиянең туганы.
Яшь ананың күз күреме начар, шуңа ул балалар алмашынуын шунда ук күреп алмаган. Ул күзлеген киеп биркадагы исемне укыган. Аның ике көн буе башка кеше баласын ашатуы ачыкланган.
Фото: архив/Султан Исхаков
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев