Балаларның борыны ник каный?

Борын канау (эпистаксис) балаларда еш күзәтелә. Күп очракта моңа җитди авыру сәбәпче түгел. Өйдә һава коры булудан борын куышлыгы кибеп, яргаланырга, вак җәрәхәтләр барлыкка килергә мөмкин.

Икенче сәбәп — аллергия. Шулай ук борын белән бәрелү яки борын казу гадәтен дә исәптән чыгарырга ярамый. Моңа канның оючанлыгы үзгәрү, борын куышлыгындагы тайпылышлар, кан басымы күтәрелү дә сәбәпче булырга мөмкин.

Шулай ук С һәм К витаминына кытлык кан тамырларын зәгыйфьләндерә ала. Әгәр борын канау 20 минут эчендә туктамаса, еш кабатланса, баланы табибка күрсәтергә кирәк.

Чыганак