Балтачта аз керемле гаиләдә үсүче балаларга санаторийларда бушлай тернәкләнү узар өчен юлламалар тәкъдим ителә.

Ильнур, 22 гыйнвар 2015 - 06:01

2888

Бала пособиясе алучы мәктәп яшендәге балаларны бушлай, 24 көнлек дәвалану һәм тернәкләнү курслары узар өчен балалар санаторийларына чакырабыз.

Балтачта аз керемле гаиләдә үсүче балаларга санаторийларда бушлай тернәкләнү узар өчен юлламалар тәкъдим ителә.

-"Свияга" (Апас районы) 4нче февральдән 28нче февральгә кадәр;

- "Лесная сказка" (Мари Эль) 2нче февральдән 1нче мартка кадәр;

- "Кооператив" (Мари Эль) 21нче марттан 13нче апрельгә кадәр.

Дәвалану процедураларын педиатрның тәкъдим-күрсәтмәләреннән чыгып билгелиләр. Санаторийга барырга уйлаган очракта, 3 көн алдан медицина тикшеренүе узарга кирәк.

Балаларның укулары кала, дип тә борчыласы юк. Чөнки математика, физика, рус теле һәм әдәбияты, инглиз телләре кебек төп фәннәрдән укулар оештырылып, алынган билгеләрнең табеле кайтып киткәндә балаларның кулларына тапшырыла.

Балаларны тиешле урынга алып барып кую һәм алып кайту да мәшәкатьләр тудырмый, әти-әниләрдән чыгымнар тотылмый.

Хөрмәтле әти-әниләр, мондый мөмкинлектән файдаланып калыгыз. Сезнең тарафтан заявкалар көтеп калабыз! Белешмәләр өчен телефоннар: 2-65-05, 2-55-05.

Район социаль яклау бүлеге.

Фото: http://www.dddmarket.ru/new/002277/