Бүген коронавирус йоктырган 41 кеше хастаханәләргә салынган

Кырык бер авыруның 25е, хәлләре авыр булу сәбәпле, хастаханәләргә салынган, 16 кеше өйдә дәвалана. Барлыгы 30 июньгә Татарстанда 4555 COVID-19 очрагы теркәлгән, 3703 кеше сәламәтләнгән, шуларның 55е – узган тәүлектә. 1178 кеше дәвалануга мохтаҗ. Вирус йоктыручылар Казанда – 26, Яр Чаллы, Апас, Балтач, Буа, Кукмара, Лаеш, Түбән Кама, Нурлат һәм Питрәчтә – 1, Арча, Яшел Үзән һәм Тукай районнарында икешәр кеше исәпләнә.

Коронавирус йоктыручыларның яшенә килсәк, күпчелекне 30 яшьтән 70 яшькә кадәр ватандашларыбыз тәшкил итә: 30 яшьтән 50 яшькә кадәр – 12, 60тан 70кә кадәр – 11, 50 яшьтән 60 яшькә кадәр – 5, 18 яшькә кадәр – 2 балада, 18дән 30 яшькә кадәр – 3, 70тән 80 яшькә кадәр 8 кешедә табиблар COVID-19 тапканнар.