Билгесез вирус тарала башлаган

Россиядә Конго Демократик Республикасында 140 тан артыграк кешенең үлеменә китергән билгесез вирусның таралу куркынычына әзерләнәләр.

Бу хакта «Татар-информ» Роспотребнадзорның матбугат хезмәте хәбәренә таянып яза. Ведомство мәгълүматлары буенча, илебездә вируска каршы көрәшү өчен лаборатория, шулай ук әзерлекле белгечләр штаты булдырылган. Моннан тыш чик аша узу пунктларында «Периметр» автоматлаштырылган мәгълүмат системасы даими эшли. Ул санитария – эпидемиологик вазгыятьне күзәтеп тора. Вирус Конгоның Кванго провинциясендә ачыкланган. Билгеләре гриппныкына охшаш: тән температурасы бик югары күтәрелә һәм баш авырта дип яза Ватаным Татарстан