Казанда дарулар китерү буенча электрон хаб онлайн - офлайн эшләячәк

Иртәгә Казанда даруларның электрон хабын ачу тантанасы булачак, ул препаратларны складтан ук илтеп бирү (онлайн) һәм офлайн рәвештә сатачак. Бу хакта брифингта ТР Президенты матбугат хезмәте җитәкчесе Лилия Галимова хәбәр итте.

"Берничә атна элек Рөстәм Нургали улы Миңнеханов даруханәдән дару препаратлары хабы барлыкка киләчәк объектны карады. Президент тарафыннан 27 ноябрьгә билгеләнгән сроклар үтәлгән. Иртәгә бу объектны ачу планлаштырыла", - диде Галимова.

Чарага холдингта медицина юнәлешенә кураторлык итүче Саклык банкы идарәсе рәисе урынбасары Ольга Голодец килүе көтелә.

Хаб бинасы Сәет Галиев урамы, 6нчы йорт адресы буенча складта урнашкан. Объект онлайн һәм офлайн форматта эшләячәк.

"Интернет ярдәмендә сезгә бер сәгать дәвамында (Казан шәһәре буенча) китерелә торган препаратка заказ бирергә мөмкин булачак, яки хабка үзегез килеп касса аша, гадәти даруханәдәге кебек, дару чараларын сатып алырга мөмкин булачак», - дип белдерде ТР Президенты матбугат хезмәте җитәкчесе.

Хаб ассортиментында якынча 18 мең төрле препарат булачак. Ул көн саен 1 меңгә якын заказга хезмәт күрсәтә ала. Даруларны китереп бирү өчен 20 курьер җәлеп ителгән.

"Рецепт буенча бирелә торган даруларны кешеләр электрон рецепт ярдәмендә алачак. Бу мәсьәлә хәзер эшләнә», — дип өстәде Лилия Галимова.

Тулырак мәгълүмат: ТИ