Үлем белән яшәү арасында – 6 (Фани дөнья белән хушлашу)

Ильнур, 11 сентябрь 2015 - 11:16

2829

Алдан хәбәр итүебезчә, Түбән Сосна авылында 5нче сентябрь көнне иртәнге якта урамда халаттан гына булган, үзе балага авырлы хатын-кыз гәүдәсе табыла.

Үлем белән яшәү арасында – 6 (Фани дөнья белән хушлашу)

Шушы авылда торучы һәм бер кайда да эшләмәүченеӊ өендә җәй буе күренгән бу хатынны, кыйнап, төнлә урамга чыгарып ташлыйлар. Төне буе җирдә, кан эчендә яткан бу ханымны «Ашыгыч ярдәм» машинасы белән үзәк хастаханәгә алып төшәләр.

Бер-бер артлы катлаулы операцияләр ясала. Казаннан санавиация вертолеты белән берничә тапкыр табиблар кайта. Соңгы кайтуында әлеге ханымга ярдәмгә ашыгучы табиб үзе дә, пилотның тәҗрибәле булуы нәтиҗәсендә генә үлемнән кала. Вертолет авариягә очрый.

2 тәүлектән артык барган көрәш нәтиҗәсендә аз гына уӊай якка үзгәрешләр булгач, әлеге ханымны Казанга алып китәләр. (Ә якты дөньяга туарга санаулы көннәр калгач, вәхши кулыннан вафат булган баласын туган авылына алып кайтып җирлиләр).

Башкала табиблары да ханымның гомерен саклап калу өчен янәдән ике тәүлек көрәшәләр. Әмма бүген төнлә әлеге ханымның йөрәге тибүдән туктый. Ни кызганыч, яшь гомер өзелде, әле яшисе дә, яшисе иде бит ... Сабыена якты дөнья бүләк итеп, аның беренче уңышларына сөенеп, ана булу бәхетен тоеп яшисе иде бит... Нәкъ шагыйрьчә:

...Ауды җиргә бергә ике тормыш,
Бер-берсенә ябышып, сарылып.

Күк күкрәде кинәт, җил сызгырды,
Җир елады кысып тешләрен...

Фото: http://www.youtube.com/watch?v=AOysnmnqnQg

Үлем белән яшәү арасында

Үзәк хастаханәгә ашыгыч операция ясарга табиб алып кайтучы вертолет каты утырыш ясаган

Яшәү белән үлем арасында - 3 (фото)

Яшәү белән үлем арасында - 4 (фото)

Яшәү белән үлем арасында - 5 (фото)

Үлем белән яшәү арасында - 7