Ни өчен лимонны туңдырып ашыйлар?

Туңдырылган лимон согы структуралана һәм организм өчен файдалырак була, дип язалар киңәшләр сайтында.

Лимонда С витамины күп була, ул вируслы авыруларга каршы торырга ярдәм итә, иммунитетны ныгыта, ялкынсынуга каршы да файдалы.

Лимонны туңдыру бик уңайлы. Туңдыргычта торганнан соң ул организм өчен файдалырак була, тизрәк үзләштерелә. Кабыгындагы начар матдәләр бетә, химикатлар һәм токсиннар юкка чыга, диелә.

Тиз арада туңдырып кую вакытында С һәм Е витаминнары структуралана, ирекле радикаллар артмый, чөнки туңдырганда оксидлашу процесслары туктый.

Лимон бәвел кудыру үзлегенә дә ия. Ул клетчаткага бай, ашкайнату эшчәнлеген яхшырта.

Галимнәр сүзләренчә, туңдырылган цитруслы җимешләр яман шеш күзәнәкләре белән көрәшергә дә ярдәм итәргә мөмкин. Антиоксидантларга бай булган лимон метастазлар таралуга киртә була, диелә бу хәбәрдә.

Чыганак: Интертат ; фото: https://pixabay.com