Россиядә коронавирус эпидемиясенең кайчан иң югары ноктасына җитәчәген фаразладылар
Тикшеренүчеләр фикеренчә, Мәскәү һәм Санкт-Петербургта коронавирус белән бер үк вакытта авыручылар саны тиздән максимумга җитәчәк.
(Казан, 7 декабрь, «Татар-информ»). Россия коронавирус эпидемиясенең иң югары ноктасына 21 яки 22 декабрьдә якынаячак. Илдә Covid-19 белән бер үк вакытта авыручылар саны 514-517 мең кеше тәшкил итәргә мөмкин. Санкт-Петербург дәүләт университетының Интеллектуаль логистика үзәге тикшеренүчеләре шундый нәтиҗәгә килгән. Бу хакта «Известия» газетасы яза.
Соңгы ике атнада Россиядә коронавирус инфекциясе йоктыруның 24 һәм 27 мең очрагы теркәлә. Җиде-ун көн дәвамында шундый үсеш дәрәҗәсе сакланган хәлдә һәм алга таба акрынлап кими барган очракта актив очракларның максималь саны декабрьнең 21 яки 22сенә туры киләчәк, дип искәртә галимнәр.
Кичә, 6 декабрьдә, Россиядә коронавирус белән бер үк вакытта авыручылар саны 479,8 мең кеше тәшкил иткән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев