Табиб Россиядә коронавирусның Британия штаммы таралу куркынычы хакында кисәтте
Белгеч фикеренчә, илдә Covid-19 коронавирусының яңа төре барлыкка килүе котылгысыз.
Бу хакта ТАСС агентлыгы «Лидер медицина» медицина үзәгенең баш табибы – табиб-педиатр, йогышлы авырулар табибы һәм вакцинолог Евгений Тимаковка сылтама белән хәбәр итә, дип яза "Татар-информ".
«Британия штаммы безгә барыбер киләчәк, ул Россиядә яз урталарында таралыр, мөгаен», - дип искәртте белгеч.
Шул ук вакытта, табиб коронавируска бәйле чикләүләрне йомшарту нәтиҗәсендә «бездә инфекция йоктыручылар саны янә артачак, ә моңа юл куясы килми» дип кисәтте.
«Яңа штаммның сәламәтлек саклау системасына артык йөкләнеш китермичә, акрын гына таралуына әзер булып торырга кирәк», - дип сүзен төгәлләде Тимаков
«Татар-информ» агентлыгы Бөекбританиядә Covid-19 коронавирусының тагын ике штаммы ачыклануы хакында хәбәр иткән иде.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев