Тамагың шешеп җәфаласа...

Югары категорияле һәм гомум практика табибы Лариса Алексеева гадәти ризыклар ярдәмендә тамак авыртуыннан ничек котылырга мөмкинлеген киңәш итә.

Белгеч сүзләренчә, татлы тамыр (корень солодки) тамак авыртуына каршы нәтиҗәле көрәшергә сәләтле. Әлеге үсемлекнең ялкынсынуга каршы көче тамак бизләре авыртканда да ярдәм итә.

Табиб тамак авыртуыннан җәфаланучы кешеләргә банан ашарга киңәш итә. Составында С витамины күп булу сәбәпле, банан савыгуны тизләтә.

Тамак ялкынсынган очракта кишер дә файдалы. Составында А витамины булудан тыш, әлеге яшелчә авыз куышлыгындагы лайлалы тышчаның төзәлүенә дә ярдәм итәчәк.

Тамак төбе кымырҗый башлау белән көненә берничә тапкыр үлән төнәтмәсе белән чайкатырга кирәк. Ромашка, шалфей яки календула үләненнән ясаган төнәтмәнең ярдәме тиз сизелер. Моның өчен стаканга бер аш кашыгы үлән салып, өстенә кайнап торган су коясың да 15-20 минут каплап тотасың.

Муенга җылытылган компресс куюның да файдасы бар: марля кисәген җылытылган көнбагыш маена манып аласың да авырткан урынга ябасың. Өстенә балавызлы кәгазь яисә пленка каплап, җылы шарф белән уратып куясың.

 
 
Фото: pixabay.com/ru

 Автор:Зөлфия Фәтхетдинова