Татарстанда соңгы тәүлектә коронавирустан ике кеше үлгән
Covid-19 инфекциясе тарала башлаганнан бирле, республикада барлыгы 126 кеше әлеге авыру корбаны булды.
(Казан, 19 ноябрь, «Татар-информ»). Татарстанда тагын ике кеше коронавирустан вафат булган. Бу хакта Татарстан Сәламәтлек саклау министрлыгының матбугат хезмәте хәбәр итә.
«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диделәр матбугат хезмәтендә.
Үлүчеләрнең берсе — 1962 елда туган ир-ат. Аны хастаханәгә китергәндә яңа коронавируслы инфекция пневмония белән катлауланган булган. Пациентның хәле йөрәк-кан тамырлары авырулары кискенләшүе аркасында начарланган.
1972 елда туган ир-атны хастаханәгә пневмония белән салалар. Пациентның хроник авырулары булган, дәвалау сулыш алу җитешсезлеге аркасында катлауланган.
Коронавирус тарала башлаганнан бирле республикада әлеге инфекциядән барлыгы 126 кеше үлгән.
Фото: Михаил Захаров
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев