Татарстанлылар коронавирустан прививканы 40 медицина учреждениесендә ясата алачак
«Спутник V» вакцинасы республикага киләсе атнада кайтып җитәр дип көтелә.
(Казан, 3 декабрь, «Татар-информ», Ксения Перепеченова). Татарстанның 40 медицина учреждениесе «Спутник V» вакцинасын кабул итәргә әзер. Иреклеләрне вакцинацияләү препаратны республикага алып кайтуга ук башланачак. ТР Президентының матбугат хезмәте җитәкчесе Лилия Галимова брифингта шулай дип белдерде.
«Барлык медицина учреждениеләре дә вакцинаны кабул итәргә әзер. Киләсе атнада беренче партияне көтәбез, бу 40 медицина учреждениесе өчен 3700гә якын доза дигән сүз. „Спутник V“ вакцинасы коронавирус инфекциясе һәм антитәнчекләр бармы-юкмы икәнлеген генә тикшерүне таләп итә. Бары тик ике анализ гына тапшырырга кирәк», - дип ачыклык кертте Галимова.
Республикада шулай ук «ЭпиВакКорона» вакцинасы да сынаулар уза. Әмма ул пациентларны тагын да җентекләбрәк тикшерүне сорый. Сынаулар инде башланды, волонтерлар үзләрен яхшы хис итә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев