Тәйфә Газыймова: “Хезмәтегез өчен олы рәхмәт”

Мин олы кеше инде, 86нчы яшем белән барам. Тормыш дигән диңгезнең төрле чорларын үтәргә туры килде: ачлыгын да, ялангачлыгын да, каһәр суккан сугыш афәтләрен дә. 30 миллион Совет халкының каны түгелеп яуланган тыныч тормышның кадерен белеп бик тә яшисе килә әле. Ләкин сәламәтлек кенә нык какшады. Шуңа күрә еш кына ашыгыч ярдәм бүлегенә, үзәк хастаханәгә, табибларга мөрәҗәгать итәргә туры килә. Ашыгыч ярдәм бүлегендә Гүзәл Закирова җитәкчелегендә табиблар бригадасы хезмәт күрсәтә. Кызлар барысы да ягымлы, үз эшләренең бөтен нечкәлекләрен белеп башкаралар . "Ашыгыч ярдәм" машинасы да секунды белән килеп җитә. Рүзәл Гарафетдиновичны, Камил Вәкилевичны, Илдар Гарәфиевичны, Гөлназ Альфредовнаны да еш борчырга туры килә. Әмма алар берсе дә караңгы йөз күрсәтми. Үзем исән чакта барысына да олы рәхмәт әйтәсем килә.

Фото: moskva.bezformata