Узган тәүлектә Татарстанда Covid-19 инфекциясенең 94 яңа очрагы теркәлгән
Тәүлек эчендә республикада яшәүче 54 кеше дәваланып терелгән.
(Казан, 11 декабрь, «Татар-информ», Эвелина Киселёва). Татарстанда тәүлек эчендә коронавирус йоктыруның 94 яңа очрагы теркәлгән. Бу хакта «Татар-информ»да матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде.
«Узган тәүлектә республикада яңа коронавирус инфекциясенең 94 очрагы теркәлде. Шулай итеп, арта бару тәртибендә барлыгы 11 мең 323 очрак булды», - дип хәбәр итте спикер.
Авдонина сүзләренчә, белгечләр тәүлек эчендә Covid-19 инфекциясенә 8 мең 367 тест үткәргән. Авыруны элемтә аша йоктырган 1169 татарстанлы табиблар күзәтүендә кала.
Татарстан сәламәтлек саклау министры урынбасары Владимир Жаворонков тәүлек эчендә коронавирустан республиканың 54 кешесе савыгуын әйтте.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев