Каш ясыйм дип, күз чыгардылар… (фото)

Кыш буена ике тапкыр трактор белән эттерделәр. Беренчесендә - "Чәй йорты" белән янәшә күп фатирлы йорт каршындагы һәм аның янәшәсендәге шәхси йортның коймаларына зыян салдылар. Икенчесендә - "Чәй йорты" ягыннан эттерә башлаганнар да, Космонавтлар урамы турысына кадәр генә барып җиткәннәр. Ә нәтиҗәсе - ташка үлчим, хәзер бөтенләй дә йөри торган түгел. Өлкән яшьтәгеләр, бала коляскасы яки чана этеп йөрүчеләрне әйтмим, яшьләр дә авырлык белән генә үтә ул араны, бик уңайсыз. Бу мәсьәлә тиз арада чишелеш тапсын иде, дип редакциягә мөрәҗәгать итте бистәнең шул якларында яшәүчеләре исеменнән Фәния апа.