Россиядә иң югары хезмәт хакы түләнә торган һөнәрләр исемлеген төзегәннәр
Рейтингта беренче баскычны инженер-мехатроник һәм эретеп ябыштыручы һөнәрләре били.
(Казан, 2 апрель, «Татар-информ»). РФ Хезмәт һәм социаль яклау министрлыгының Бөтенроссия фәнни-тикшеренү институты экспертлары Россиядә иң югары хезмәт хакы түләнә торган һөнәрләр исемлеген төзегән. Бу хакта «Известия» газетасы яза.
Тикшеренү нәтиҗәләре RT телеканалы сайтында дөнья күргән. Рейтингта беренче баскычны инженер-мехатроник һәм эретеп ябыштыручы һөнәрләре били. Алар 100 мең сум хезмәт хакы ала. Бораулаучы һәм банк базарында операцияләр буенча белгечнең эш хакы 95 мең сумнан башлана.
Бизнес-аналитик, кушымталарны интеграцияләү белгече һәм термик эшкәртү процессларын модельләштерү белгеченә 90 мең сум хезмәт хакы тәкъдим ителә. Куллану кредитлары буенча белгечләр (85 мең сум) исемлекнең иң соңгы баскычында урнашкан.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев