Балтач районында узачак Бөтенрәсәй мөселман балалары Сабан туеның программасы билгеле булды (+фото)
Хәбәр иткәнчә, Мөселман балаларының 10нчы тапкыр үткәрелүче Сабан туе быел 23 июльдә булачак. Балтач районы Бөрбаш авылындагы әлеге күркәм чара Балтач районы имам-мөхтәсибе, Татарстанның баш казые Җәлил хәзрәт Фазлыевның тырышлыгы белән оештырыла.
![](/images/stories/images/OilaNamazi6(1).jpg)
Бәйрәм кысаларында балалар өчен төрле уеннар, ярышлар һәм, әлбәттә, милли көрәштә оештырылачак. Быелгы көрәш ярышлары 1998 елда туган һәм аннан яшьрәк егетләр арасында үткәрелә. Батырга бүләккә - скутер һәм тәкә!!!
- 36 килограммга кадәр;
- 50 килограммга кадәр;
- 65 килограммга кадәр;
- 75 килограммга кадәр;
- 75 килограммнан югары.
Район мәгариф идарәсе тарафыннан әзерләнгән укучыларның һөнәрчелек аланы да эшләячәк. Анда JuniorSkills район конкурсы лауреатлары эшләнмәләре күргәзмәсе белән танышырга мөмкин булачак. Укучылар мастер-класс күрсәтәчәкләр.
Бөтенрәсәй мөселман балалары Сабан туена Россиянең төрле төбәкләреннән күп сандагы кунаклар, күренекле шәхесләр, республикабыз хөкүмәтеннән мәртәбәле җитәкчеләр кайтуы көтелә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев