Балтачка «Мәрхәмәтле тылсымчылар» килде

Матур традицияне дәвам итеп, 16 гыйнвар көнне «Наз» халыкка социаль хезмәт күрсәтү үзәгендә «Наз» ятим балаларга һәм инвалидларга ярдәм күрсәтү төбәк иҗтимагый хәйрия фонды президенты Сәйфетдинова Нурания булып китте. 
Ел саен Иске Яңа ел алдыннан Нурания Фердобаевна тормыш иптәше Әсхәт Әхмәдиев белән берлектә «Мәрхәмәтле тылсымчылар» хәйрия акциясе үткәрәләр, анда аз тәэмин ителгән, имин булмаган гаиләләрдәге һәм инвалид балаларга шатлык һәм тылсым бүләк итәләр. 
Чакырылган кешеләрне теркәгәннән соң, алар психологларның төркем дәресләренә җәлеп ителде. Кунакларны Нурания Сәйфетдинова һәм «Наз» халыкка социаль хезмәт күрсәтү үзәге директоры Гөлнара Әхмәдиева сәламләделәр.Нурания Фердобаевнаның ире Әсхәт Әхмәдиев Кыш бабай ролендә, «Наз» халыкка социаль хезмәт күрсәтү үзәге белгечләре Кар кызы, дуңгыз баласы, тиен һәм елан ролендә кунакларга яңа ел тамашасы оештырдылар, анда елмаю, җырлар, уеннар һәм биюләр күп иде. Барлык балалар да теләгән бүләкләр алдылар: планшет, чаңгы, тимераяк, зур машина һәм башкалар. Шулай ук Кыш Бабай татлы бүләкләр турында, әниләр өчен чәчәкләр турында да онытмады. Әлеге акциядә безнең район хәйриячеләре: Марат Шәмсиев, Данис Шәмсетдинов, Рөстәм Гайнетдинов һәм Нина Филиппова катнаштылар. Барлык катнашучылар кунаклар спонсорларның һәм оештыручыларның 
кайгыртуына, мәрхәмәтлелеккә һәм юмартлыкка ия булдылар. Әти-әниләр һәм балалар «Наз» хәйрия фондына һәм әлеге акциядә катнашкан барлык битараф булмаган кешеләргә чын күңелдән рәхмәт белдерделәр. Мондый чаралар балаларга могҗизага ышанырга мөмкинлек бирә.