Балтачтан Мөнирә ханым ни өчен ике “Хезмәт”кә язылган

Республикада "ТАТМЕДИА" "Әти-әниеңне яздыр. Якыннарыңны яздыр" акциясе игълан иткән иде. Районыбызда әлеге акциягә бик күпләр теләп кушылды һәм ул дәвам итә. Гади халык арасында да якыннарын яздыртучылар очрый.

Заманында Балтач үзәк китапханәсе мөдире булып эшләгән Мөнирә Хәбибуллина бистәнең Комсомол урамында яшәүче абыйсы Илдар Нигъмәтҗановка 2017 елның беренче яртыеллыгы өчен "Хезмәт"кә язылды. Ул елның-елында үзенә генә язылып калмыйча, якын кешеләрен дә "Хезмәт"ле итә. Элегрәк елларда Мөнирә ханым берничә кешегә туган көннәренә махсус атап "Хезмәт"кә языла торган булган. Хәзер бәяләр артты шул, шуңа да бик якыннарыма гына яздырам, ди.