Чыршы бәйрәме хәзер эчке эшләр бүлегенең үзендә уза

Эчке эшләр бүлеге хезмәткәрләренең хезмәте җитди күренсә дә, алар коллективтагы эшчеләренең күңел халәте турында хисчән һөнәр ияләреннән күпкә уңайрак кайгырта. Бер елны да хезмәткәрләренең балалары өчен чыршы бәйрәме үткәрми калмыйлар. Бүләкләрне дә мулдан алалар, оештыру да искиткеч. Быел да, әнә, бәйрәмнәрен тәрбияче-персонажлар бизи. Балалар да, әтиләр, әниләр дә бәйрәмгә чын күңелдән килә. Чыршы бәйрәмен үзләрендә, киңәшмә-уку залында уздыра башлаганнар, аңарчы я балалар бакчасын, я башка берәр биләмәне сорап торырга туры килә иде. (Син хокук сагында дип беркем дә бушка бирми бит әле!). Хәзер исә, үзләрендә үзләренчә! Афәрин!