Газиз балаң газ иснәп үлсен инде...
Уфада 13 яшьлек баланы соңгы юлга озатырга килүчеләр аны газ иснәргә өйрәткән кызны тирги.
Ул кыз үзе артыннан күпләрне ияртергә өлгергән, алар көн саен 3-4 баллон газ кулланган.
Ул көнне дә кызлар башкаладагы бер сәүдә үзәгенең бәдрәфендә газ иснәгән. Шунда булган дуслары әйтүенчә, бәдрәфтән чыкканда Маринаның (исеме үзгәртеп алынды) күзләре томаланган булган, ул сәер елмаеп басып торган да шунда ук егылып та үлгән.
Кызның әнисе моны "коточкыч очраклык" дип атый. Ул аны ялгызы үстергән. Бәлки, игътибары да җитеп бетмәгәндер.
Белгечләр әйтүенчә, ата-аналарның күпчелеге балалары белән көненә 30 минут сөйләшә. Шуның 26 минуты - дәрес турында. "Ничәле алдың?", "Өйгә биремне эшләдеңме?" кебек сораулар биреп кенә баланың күңел халәтен белеп буламы?! "Ничек яшисең, ни кичерәсең, нәрсә турында хыялланасың?" - боларның барысына - 4 минут!
Бер-беребезгә, аеруча балаларга игътибарлы булыйк, җәмәгать!
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев