Инсультның яше яшәрә. Сак бул.

- Соңгы елларда бу сан бер чама тора. Инсульт ике төрле юл белән килеп чыга. Аның берсе һәм иң киң таралганы - ишемия инсульты. Ул кан тамырлары тараюдан барлыкка килә. Аның нәтиҗәсендә баш миенә кан килми башлый һәм шул сәбәпле нерв күзәнәкләренә кислород, туклыклы матдәләр килүдән туктый. Икенчесе - геморрагик инсульт. Даими кан басымыннан тора-бара тамырлар үзенең сыгылмалылыгын югалта, нәтиҗәдә кан басымы бик нык күтәрелгәндә баш миендәге тамырлар шартлап, башка кан сава.

- Сәламәтлегеңә битараф карарга ярамый. Яшьләрдә дә кан басымы булырга мөмкин. Гаиләдә кан басымын үлчи торган прибор тотарга кирәк. Диспансеризация үтүгә дә игътибарлы булу сорала. Кеше үзенең кан басымын, холестерин, шикәр күләмен белеп торырга тиеш. Кан басымыннан участок табибы күзәтүе астында көн саен дару эчү гомерне озайта гына. Үзенең сәламәтлеген һәрдаим кайгырткан кешенең гомере вакытсыз өзелми.

- Авыру елмайса, аның йөзе кыйшая, сөйләшкәндә теле бәйләнә, ике кулын күтәртеп караганда бер кулы азрак күтәрелә, кинәт кенә башы авырта башлый, укшыта һ.б. Авыруны тиз арада хастаханәгә алып килергә кирәк. Беренче өч сәгатьтә дәвалый башлауның нәтиҗәсе дә зур булачак.

- Компьютер томографиясе инсультның төрен ачыклый. Ике төрле инсульт барлыгы турында сөйләштек инде. Кан саву һәм баш миенә кан килмәү (ишемия) ике төрле юл белән дәвалана. Аның берсендә канны туктатырга, икенчесендә, киресенчә, канны сыеклатырга кирәк. Мондый диагноз белән Балтач үзәк хастаханәсенә мөрәҗәгать иткән кешеләрне без Арчага җибәрәбез. Чөнки анда Арча районара йөрәк һәм кан тамырлары авырулары үзәге 2010 елдан бирле уңышлы гына эшләп килә. Бу үзәк 4 районга хезмәт күрсәтә - Арча, Балтач, Кукмара, Әтнә. Анда реанимация бүлмәләре заманча җиһазлар белән көйләнгән. МКДЦ, РКБ белән яхшы элемтәдә торалар. Видео-консультант бар. Авырулар Европа күләмендә иң көчле белгечләр эшләгән бердәм система буенча дәвалана. Кирәк икән авыруларны реанимобиль белән Казанга озаталар. Бу мөмкинлекләрнең барысы да инсульттан үлүчеләр санын киметте.

- Кан басымлы, йөрәге авырткан, холестерины югары, шикәр чире белән авырган, авырлыгы артык булган, тәмәке тарткан, спиртлы эчемлекләрне күп кулланган, тетрәнүләр кичергән кешеләрдә инсульт булырга мөмкин. Бу чир нәселдәнлек белән дә бәйле.

- Сәламәт яшәү рәвеше алып барырга кирәк. Тәмәкене ташларга, спиртлы эчемлекләрдән тыелырга, өстәлдә яшелчә, җиләк-җимеш өстенлек итсен. Көнгә 40 минут йөрергә кирәк.

- Урамда яки стадионда махсус җәяү йөрергә кирәк. Тренажер да әйбәт. Авырулар боларның барысын да белеп тора, әмма үтәми. Урамга йөрергә чыкканчы, диванга сузылып ятып ял итүе рәхәтрәк бит. Андыйларга тренажер ярдәмгә килә. Авыртмыйча яшисең һәм гомереңне озынайтасың килсә, табиб киңәшләрен һичшиксез үтәргә кирәк.

Фото: okeydoc