Кайда соӊ ул Яӊа ел

Ильнур, 24 ноябрь 2015 - 08:21

2369

Яӊа ел җитәргә дә санаулы көннәр калып бара, җәмәгать. Башкала кибетләрендә, сәүдә үзәкләрендә инде чыршылар, уенчыклар сатыла башлады.

Төньяктарак булгач, Балтачта Яӊа елныӊ «исе» килми әле, дип йөри идем, алай түгел, бездә дә аныӊ билгеләре барлыкка килә башлаган икән бит. Саклык банкыныӊ Балтач бүлегенә беренче ишектән керүгә, мөрәҗәгать итүчеләрне инде бизәлгән чыршы каршылый. Ә Карилендә олы юлда урнашкан «Раил» кафесы керү уӊаена уттан «бизәкләр» яндырылган. Шушыларны күргәч, алда зур бәйрәм көтә бит, дип күӊел үзгәрә, борынга без балачакта яраткан, кечкенә, сары мандариннарныӊ хуш исе килгән сыман тоелып китә.