Кичә һәркем диярлек өй тирәсен, алма бакчасын җыештырды

Элек нинди гадәт булгандыр ул, кеше чүп-чарны су буйларына ата, яисә тегендә-мондагы чокыр-чакырга ташый иде. Шулай итеп анда-монда чүплекләр хасил булды. Менә бит, тырышкач, өйрәндек (ә бәлки өйрәткәннәрдер...), чүплекләр дә юкка чыгарыла, үзебез дә чүпләрне махсус чүплекләргә генә илтәбез. Шулай да юл кырыйларында ташлап калдырган шешә, тәм-том калдыклары берән-сәрән булса да аунап ята әле... Ана сөте балән кермәгәнне тана сөт белән кермәс, табигатьне бу рәвешчә пычратучылар начар гадәтләреннән арына алмаслардыр инде...