Киләсе атнада Татарстанда 0 градуска кадәр җылыта
Татарстанда һава температурасы акрынлап күтәрелүен дәвам итә, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Әйтик, иртәгә төнлә республикада −13..-18 градус, көндез −8..-13 градус булачак. Явым-төшем көтелми.
16 декабрьдә, шимбә көнне, һава торышы үзгәрә. Республикада кар явачак һәм буран чыгачак. Һава температурасы төнге сәгатьләрдә −11..-16 градус, көндез −6..-11 градус тәшкил итәчәк. Синоптиклар бозлавык һәм кар көртләре хакында кисәтә.
Якшәмбе көнне бераз кар көтелә, төнлә термометрның терекөмеш баганасы −12..-17 градус, көндез −12 градусны күрсәтәчәк.
Якынча мәгълүматлар буенча, киләсе атна башында кар һәм буран көтелә. Һава температурасы күтәрелүен дәвам итә: 18 декабрьдә −4..-9 градус, 19 декабрьдә 0..-5 градус булачак.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев