Кукмара районындагы кеше үтерүче үгез

Ильнур, 18 ноябрь 2014 - 15:58

2381

Зур хайваннар янында булганда барыннан да элек куркынычсызлыкка игътибар итү кирәк шул. Кукмара районы Березнеки авылында да 500 килограммлы зур үгез япкан җиреннән ишекне сөзеп ачып, ишек алдында йөргән 80 яшьлек хуҗасына ташлана.

Бу хәлне узып баручы яшьүсмер күреп, ярдәмгә кешеләрне чакыра. Кычкыру, сызгыру, үгезнеӊ игътибарын башкага юнәлтү дә ярдәм итми, кан эчендә яткан олы кешене тиз генә ала алмыйлар. Бары колгалар, сәнәкләр һәм арканнар кулланып үгезне читкә җибәрә алалар. Больницада бер сәгать азапланган олы яшьтәге хуҗа кеше җан бирә. Бу турыда "Эфир 24" каналы хәбәр итә.

Фото: http://uglich.ru/news/pravo/2006/8/2/news1920/