Кышкы запасларның оригиналь исемлеләре (фото)

Ильнур, 31 август 2016 - 17:31

2430

"Вконтакте" челтәрендә булган дусларыбызның тормышларындагы кызыклы вакыйгалары белән фотолары ярдәмендә танышып, белеп барабыз. Көннәрдән бер көнне шулар арасында менә мондый кызыкларына тап булдым.

Кышкы запасларның оригиналь исемлеләре (фото)

Әлеге иҗат җимешләре Түнтәр авылында яшәүче Гөлзәминә Габдрахманованыкы. Әлеге шедеврларның авторыннан ни өчен шулай эшләвен сорамый кала алмадым.

- Мин гомумән хыялый кеше инде. Моңарчы ястына төшә идем дә бу нәрсә микән дип карап тора идем. Ә болай җайлы. Улыма гына "Бик тәмле" салат алып мен әле дим дә, алып менә. Берничәсенең рецепты белән дә бүлешим әле. Кызыксынган кешеләр ясап карасыннар, - ди Гөлзәминә.

"Берегись водка"
1әр кг. кәбестә, кишер, суган, болгар борычы, помидор, кыярны озынча итеп турыйсың да, кашыкны бик тутырмыйча гына 5 аш кашыгы тоз, 5 аш кашыгы песок,1 стакан сыек май, 1 стакан 9%лы уксус салып 1 сәгать тотасы. Аннан соң пешәргә куясы. Кайнап чыкканнан соң 10-20 минут кайнатасы. Парландырылган банкаларга тутырасы.

"Сораматык"
Өйдә калган барлык яшелчәне турыйсы, болгатасы, чама белән тоз, песок, уксус,сыек май салып пешерәсе дә банкаларга тутырасы.