Наратка сыенган каен

Көзге табигать үзенең төсләр балкышы белән күзләрне иркәли. Яңгыр яумаган көннәр көзне аеруча күңелгә ятышлы итә. Кая барсам да үземнән фотоаппаратны калдырмый торган гадәтем кайвакыт бик ярап тора тагын. Комзавод авылына җиткәндә наратка сыенып үсеп утыручы бу каен яныннан ничә көз "их" дип үтеп киттем һәм "каен белән бас янәшә, сиңа бик тә килешә ...." дип җырлап куя идем. Бу ялда авылга менгәндә машинаны туктатып тәки төшердем мин аларны һәм сезнең хозурга тәкъдим итәм. Матур бит ә!