«Операция ясаттым… Нәтиҗәсен көтәм…»

Илсөя Бәдретдинова «ТМТВ» телеканалындагы «Сөйләшергә кирәк» тапшыруында катнашкан. Ул анда бик зур сере белән уртаклашкан.  

«Лилия сөйлисе түгел нәрсәләрне дә сөйләтте. Аны хөрмәт иткәнгә, алдый алмадым», — дип яза ул социаль челтәрләрдәге битендә.

Алып баручы Лилия Кадыйрова җырчыдан: «Авыруыгыз турында ишеттек. Бик катлаулы диагноз турында сүз бара дип беләм», — дип сораган.

«Лилия, мин синең бу сорауны бирәчәгеңне белдем, көттем. Яшерер нәрсәм юк — күптән түгел операция кичердем. Аңлаганнар аңларлар, бүгенге көндә мин гистология көтәм…»,- дип җавап биргән аңа җырчы.

Дуслары Илсөяне ничек тә юатырга тырышкан, җылы сүзләр язган.  Барысы да яхшы булыр, бирешмә, Илсөя!

чыганак