Пилмән файдалы, курыкмыйча ашагыз

Алар билгеләп үткәнчә, истә тотарга кирәк булган беренче әйбер - бу бик калорияле продукт. Ит эчлеге белән 100 грамм пилмәнгә 290 ккал туры килә, әгәр эчтә тавык ите булса, калориялелек 250 ккалга кадәр кими.

Зурлыгына килгәндә, кечкенә пилмәннәр артыннан куарга кирәкми, дип билгеләде табиблар. Зурлыгы никадәр кечерәк булса, ит шулкадәр кечерәк булачак, ә камыр, киресенчә, сизелерлек булачак, димәк, гликемик индекс та бик югары булачак.

Алда әйтелгәннәрнең барысына да карамастан, пилмән файдалы булырга мөмкин. Аларның составында ит бар бит. "Иттә безгә кирәк булган селен бар, ул макрофаглар-микробларны ашаучы һәм җимерүче иммун күзәнәкләрен яхшырак эшләтә. Селеннан башка макрофаг эшләми. Ә иттә селен күп - 100 граммында тәүлеклек норманың яртысы", - дип ассызыклады Коновалов.

Шулай ук йомыркалы камырдан да файда бар. «Йомыркада холин бар, ул ацетилхолин — нерв күзәнәгеннән импульсны җепселләр буенча тапшыруга ярдәм итүче матдә чыгара», — дип аңлатты Коновалов.

«Әгәр ацетилхолин булмаса, импульс тапшырылмаса, нерв системасында кыска ялганыш булачак", - дип өстәде Малышева.

Пилмәнне тәмләтү өчен төрле продуктлар: шулпа, каймак, яшелчә, майонез һәм кетчуп кулланалар. Ә андый продуктны уксус (серкә) белән ашау дөрес, дип билгеләде Малышева. "Әгәр сез теләсә нинди углеводларга — токмач, пилмәннәргә серкә өстисез икән, сез үзегездә резистент углевод булачагын аңларга тиеш, ул начар сеңәчәк, шуңа күрә симерү куркынычы кими.  Пилмәнне серкә белән ашау дөрес", - диде Малышева.

Автор:Резеда Галикәева

Чыганак