«Сабантуй» паркына балалар почмагына бармый калма

Күп кенә танышларым буш вакытлары булуга «Сабантуй» ял паркына баралар. Анда саф һавада табигатьнең гүзәллегенә сокланып, истәлеккә фотоларга төшеп кайту да аерым бер традициягә кереп бара кебек. Балалар өчен аерым почмак эшләп килү дә үзенә тарта. Чөнки биредә сабыйларыбыз өчен төрледән-төрле уен корылмалары урнаштырылган. Анда көзге көннәрдә дә балалары белән килеп, рәхәтләнеп күңел ачучы әти-әниләрне күрергә була. Балалар гына түгел, яшьләр дә, өлкәннәр дә бик яратып йөри паркка. Чөнки көннән-көн камилләшә барган парк ераклардан үзенә дәшеп торуны дәвам итә.