Сак йөрегез юлларда

7нче гыйнвар. Кичке сәгать алты туларга егерме минутлар тирәсендә Балтач - Кенәбаш юлында ундүртенче модельле машина шоферы тизлекне көйләп бетерә алмый һәм каршы-га килүче машинага бәрелә. Нәтиҗәдә, һәлакәт тудыручы шофер кеше авыр тән җәрәхәтләре ала.
10нчы гыйнвар. Кичке сәгать җидедә Балтач бистәсенең Ленин һәм Зоя Космодемьянская кисешкән чатта «ВАЗ-111730» машинасы шоферы олы юлдан якынлашып килүче «ВАЗ-21063» машинасына юл бирми, нәтиҗәдә, ике машина да бәрелешә. Бер гаепсез шофер җәрәхәтләнә.
12нче гыйнвар. Төнге сәгать унберләр тирәсендә Балтач - Шәмәрдән юлында «ВАЗ-21093» машинасы тизлеген көйләп бетерә алмый һәм юл кырына чыгып каплана. Машинадагы пассажирга җиңелчә зыян килә.
23нче гыйнвар. Көндезге сәгать 12дә Казан - Малмыж юлында «ВАЗ-21093», «ГАЗ-173410» машиналары бәрелеште. «ВАЗ-21093» шоферы тән җәрәхәте алды.