Тиздән, бик тиздән бистә үзәгендәге ял паркында эшләр төгәлләнәчәк

Ильнур, 9 август 2015 - 05:26

2384

Бистә үзәгендә төзекләндерелгән ял паркыннан халык өзелми. Бигрәк тә ял көннәрендә балалар мәйданчыгына әниләр һәм әбиләр кечкенә балаларын уйнарга алып киләләр.

Тиздән, бик тиздән бистә үзәгендәге ял паркында эшләр төгәлләнәчәк

Инде менә янәшәсендәге спорт мәйданчыгы да кулланылуга тапшырылгач, сәламәт яшәү рәвешенә битараф булмаган, спорт сөюче яшь әтиләр һәм егетләр дә баскетбол уйнарга килә башлады.

Әлеге паркта төзелеш һәм тирә-ягын тәртипкә китерү эшләре төгәлләнеп килә. Брусчаткалар җәелеп бетте, фонтан эшли, чәчәклек урыннары әзер, яктырткычлар куелган...

Шушы паркка ятышлы, мәгънәле бер матур исем дә биреп куйсалар - тагын да шәп булыр иде. Әйдәгез, райондашлар, паркка бергәләп исем сайлап карыйк әле, Сездән җаваплар көтеп калабыз. Мин башлыйм, ә сез минем фикеремне хупласагыз дәвам итегез. Район җитәкчелеге безнең фикерләребезгә бәлки колак салыр?!

- Тулпар
- Аргамак
- Тургай
- ...