Тынычлап йоклыйсы килә

- Хәерле көн! Дөрестән дә бу өлкәдә бераз тоткарлар барлыкка килде, әмма алар үтәрләр, дип уйлыйм. Иӊ беренчесе, бүгенге көндә урыннарда халыкка салым түләү турында таләп иткән кәгазьлар килеп җитә башлады. Алар бөтенесе бер юлы килмәячәкләр, нигә дигәндә бу таләп кәгазьләре хәзер Сабадан гына түгел, үзәкләштереп Уфа шәһәреннән җибәрелә. Аннан салым таләпләре төрле регионнарга, Свердловск, Чиләбе өлкәләренә, шул ук Башкортстанга, Татарстанга җибәрелә. Ул чират буенча бара, димәк, тоткарлыклар бары шуӊа бәйле. Бүгенге көндә күп кешенеӊ Россия Федерациясенеӊ салымнар һәм җыемнар буенча Министрлык сайтында шәхси кабинетлары бар, андый кешеләргә салым түләү кәгазе бөтенләй җибәрелмәячәк, бары шул шәхси кабинетка кереп, шуннан түләргә яисә кәгазьдә чыгарып алып, банк аша түләргә була. Тагы бер юлы бар, бу очракта авыл җирлегенә мөрәҗәгать итәргә була һәм алар кәгазьгә чыгарып, салым түләү квитанциясен бирә алалар. Күп җирдә бу шулай эшләнә дә. Почта яисә банк аша да салым түләүләрләрен башкарып була.

- Бүгенге салым өлкәсендәге закон таләпләре хәйран уӊайлы. Мәсәлән, бер кеше исемендә авылда бер йорты һәм шәһәрдә шәхси квартирасы бар, ди. Бу очракта бары берсе өчен генә салым түләу таләп ителә. Әгәр дә, бер йорты һәм ике квартирасы бар икән, бары бер йорт һәм бер квартира өчен генә салым түләнә. Ә милек салымын түләүдән I, II, III группа инвалидлар, лаеклы ялдагы пенсионерлар азат ителә. Яши торган торак мәйданы 50 кв. метрдан ким булса, бу очракта милек салымы бөтенләй алынмый. Транспорт налогын түләгәндә дә игътибарлы булу сорала. Әгәр машинаныӊ җегәрлеге 100 ат көченнән кимрәк икән, I, II группа инвалидлар бу салымнан азат ителәләр. Ә күрсәткечтән арта икән, бу очракта льготалар юк. Җир мәйданы өчен салым түләгәндә, Бөек Ватан сугышы инвалидларына, ветераннарына, афганчыларга, Чернобыль, «Маяк», «река «Течь» әфәтләрен бетерүдә катнашканнарга җирнеӊ кадастр бәясеннән 10 меӊ сумга киметеп бирелә. Бу турыда Балтач салым инспекциясе бүлекчәсендә төгәлрәк белергә була. «Кайнар линия» телефоны 2-49-45

Салымнар 1 декабрьгә кадәр түләнеп бетәргә тиеш.1 декабрьдән соӊ салым суммасына карап пенни исәпләнелә, ягъни түләнмәгән чор өчен өстәмә рәвештә акча түлисе була. Шунлыктан, һәркем бу эшне озакка сузмыйча, вакытында башкарсын иде.

Фото: ipprosto